අවිනීත පොද වැස්ස

Image Courtesy: Niki91 - DeviantArt

විටින් විට ඇද වැටෙන
අවිනීත පොද වැස්ස
සිහිකලේ ඇගෙ රුවයි
ඇති වෙනස සිත රන්ද

පොද බිදිති රැගෙන එන
මතකයෙන් කුල්මත්ව
ඔහු ලියයි මේ ලෙසින්
අසන්නන් සතු නැතිව

කාෂ්ටක රශ්මියෙන්
කාලයක් ගොළු වැටුණ
හදවතට වැටි සිසිල
මතුකලා පෙම් මියුර

සීතලෙන් විකල් වුන
මානයෙන් වැටි බැඳුන
සිත් දෙකක් එක්වුණා
පරව යන්නට තිබුණ

එක්වුණත් වැහි දිනක
ඒ පෙමත් වැහි සේම
මකයි 'විත් හිරු කිරණ
ගලයි මහ ගංවතුර

ඒ නිසා අප දෙපල
වෙන්වෙන්න පෙර අතුව
ලං වෙමුද අද දිනට
තනි රැයක අසිරියට

රැය පහන් වී ගියද
ඔවුන් වෙන් වී ගියද
පෙර දිනේ මැව් මතක
නොමැකෙනා බව නොදැන

කාලයක් ගතවුණා
වැහි සමය නිමවුණා
ඔවුන් යළි හමුවුනද
පොද බිංදු නොවැටුණා

වැස්ස නෑ නැවතුනේ
වැස්ස නෑ නොදැමුණේ...

-OMG-